A arte indeleble que nos deixou o 8M

A arte é pedra filosofal de calquera revolución. Unha arma creativa coa que facer bandeira dunha mensaxe que desexamos que sexa escoitado. E hai xornadas nas que a arte revolucionaria florece por todos os recunchos. Onte foi un deses días. O mundo enteiro envorcouse co Día Internacional da Muller. E a comunidade creativa non fallou. Acudiu á cita e deu renda solta ao talento, pero sobre todo ás ganas de xustiza.

Nos tempos que corren, a arte reivindicativa vai máis aló das pancartas e carteis. As redes sociais son plataforma de protesta. E adáptanse a deseños e conceptos infinitos. Onte a creatividade fluíu a gallarón polo universo dixital. Lembramos o sabor da xornada do 8- M da man de centos de obras. Todas viron a luz nas redes sociais de distintas artistas. Unha comunidade incómoda co panorama social comunicando a través da arte. Ganas de cambio e feminismo. A arte non se borra.