Grafinco
Un punto de impresión
Nós
¿Quenes somos?
Somos unha imprenta situada en Lugo, unha empresa do sector das artes gráficas galego e, tamén, unha iniciativa de economía social. Grafinco é un Centro Especial de Emprego de Iniciativa Social (CEEIS) integrado, xunto con outras empresas, en COGAMI Empresarial, polo que o noso Propósito ten ás persoas con discapacidade, e a súa inclusión laboral, como razón de ser e traballar.
Historia
A nosa historia
Grafinco botou a andar as súas máquinas no ano 2000, ofrecendo solucións adaptadas ás necesidades da súa clientela. Coa nosa actitude e aprendizaxe fomos construíndo unha imprenta especializada en deseño e impresión.
Coa motivación que xera perseguir a mellora continua de procesos, e produtos, e a procura constante da satisfacción da nosa clientela, en Grafinco adquirimos maquinaria cada vez máis competitiva, apostamos por formar e reter persoas con talento e escoitamos activamente á nosa clientela e as súas demandas.
Cumprindo xa os 25 anos de traxectoria no sector das artes gráficas en Galicia, traballamos con ilusións renovadas e adaptación aos novos tempos. Mostra diso é que o noso taller acolle dende papelería administrativa (talonarios, carpetas, sobres, ou tarxetas), pasando por libros, revistas, axendas ou calendarios, ata packaging de pequeno formato, embalaxe de cartón e unha nova sección de marcaxe téxtil e merchandising.
A nosa historia, como a da nosa clientela, imprímese cada día, aspirando a continuar enchendo páxinas repletas de oportunidades e éxitos colectivos.
Talentos
Calidad garantizada
Mesa de impresión en plano
A través desta máquina podemos ofrecer o servizo de impresión con tintas base auga en CMYK de superficies porosas como o cartón, a madeira ou outros materiais, cunha boa resolución e a toda cor.
Permítenos meter pranchas cunha anchura de 110 cm., e una anchura de impresión de ata 84 cm.
É axeitada para tiradas pequenas e medianas, ideal para a liña de negocio de embalaxe.
Impresora dixital Konica Minolta 12000e
Impresora dixital de última xeración cuns altísimos estándares de calidade e gran capacidade de produción.
Permítenos a posibilidade de realizar traballos de ata 90 cm. de largo impresos por ambas as dúas caras.
Está pensada para tiradas pequenas e medianas de libros, revistas, impresións con dato variable, packaging, etc.
Laminadora Uniter
Brindamos a opción de laminar en brillo ou mate con diversos acabados e ata un formato de 50 x 70 cm., incrementando o valor dos nosos produtos.
Esta técnica é moi empregada en cubertas de libros, libertas, axendas e packaging de pequeno formato, dándolle unha mellor aparencia e durabilidade.
Mesa de corte l-Hecho
Esta máquina permite ofrecer troquelados para a realización de diversos produtos: etiquetas adhesivas, estoxaría, felicitacións, elementos visuais para o sector da alimentación.
Moi recomendable para ofrecer á clientela unha maqueta previa a unha produción masiva.
Pegadora de caixas Uniter
Ofrecemos o servizo de estoxaría, tanto lineal como de fondo automático, así como de faixas, carpetas e calendarios de sobremesa, cun gran aforro de tempos de manipulado.
Compromisos
Coas persoas
O noso compromiso social é inequívoco e ten ás persoas no centro, entendendo a sostibilidade social desde unha óptica xusta e inclusiva, na que continuemos fomentando o emprego para as persoas con discapacidade, como empresa da Economía Social de Galicia.
O 93% das persoas que traballan en Grafinco teñen algunha discapacidade, unha mostra de que apostamos polo deseño de compromisos, traballamos na impresión de oportunidades e encaixamos talentos, sempre desde a posta en valor da diversidade social e o fomento das capacidades profesionais.
Compartimos Propósito coa rede de empresas que integramos COGAMI Empresarial e traballamos arreo para, entre todas, contribuír á construción dunha sociedade máis inclusiva.
Coa contorna
En Grafinco sabemos que o noso compromiso social debe ir da man dun compromiso ambiental dirixido a coidar da nosa contorna e reducir o impacto ecolóxico da nosa actividade. Este compromiso alíñase coa Política de Sostibilidade Ambiental de COGAMI Empresarial e xira arredor de tres eixos de actuación:
As nosas certificacións
Eixos de actuación
Certificacións en materias primas
Contamos coas certificacións FSC®, e PEFC, garantindo traballos feitos con materiais que proveñen de bosques xestionados de xeito sostible.
Para os traballos que realizamos sobre cartón utilizamos tintas base auga, ecolóxicas e seguras para o medio ambiente.
Proceso de impresión e residuos
Garantimos a reciclaxe do papel e cartón sobrante e asegurámonos da correcta eliminación de residuos perigosos, como tintas de impresión, a través dun xestor autorizado.
Para o mantemento e limpeza das máquinas utilizamos panos que acaban manchándose. Dende 2023 colaboramos cunha empresa para lavalos e reaproveitalos, o que nos permite evitar 100 kg/ano de residuo téxtil.
Dende 2023 reducimos nun 90% o uso de plásticos na entrega final de pedidos a clientes.
Melloramos o proceso de xeración de pranchas para a impresión en offset suprimindo o engomado, permitindo eliminar ata 150 l/ano de produtos químicos.
Enerxía
Todas as luminarias da nosa planta son LED, permitindo un importante aforro do consumo eléctrico.
Dende 2023 calculamos a nosa Pegada de Carbono, alcance 1 e 2, co obxectivo de explorar formas para reducir os gases de efecto invernadoiro xerados.