A marcha de Anxo

Todos temos unha historia, unhas vivencias, un mar de recordos e quen di que non podemos escribilas e compartilas? Xa sexa por mero exercicio persoal de introspección e memoria, como acto anecdótico ou como regalo sorpresa para os nosos seres queridos,… todo o mundo merece escribir unha historia.

A Marcha de Anxo, así se titula esta novela curta, de doada lectura, trata de reflectir o desacougo e as consecuencias de abandonar o entorno habitual por outro lonxano e cheo de interrogantes.

A pesar de vivir nun contexto favorable, esta familia decide emigrar porque chegan novas posibilidades que se queren aproveitar. Marchan mirando para atrás, onde queda unha vida e unha xente que se sinte orfa e baleira porque xa nada será igual.

O libro foi idea dun escritor e profesional dos servizos sociais, Pablo Veiga, e interpretada pola particular mirada da ilustradora Paula Fernández. Todo o seu universo creativo necesitaba materializarse e por iso decidiron poñerse en contacto con nós.

Sen presa, pero sen pausa, comezaron as probas das cubertas en cartolina gráfica de 260 gr impresas en 4/0 tintas, plastificado brillo. A Marcha de Anxo pasou de unha marabillosa idea a un precioso libro encadernado en rústica cosido.

Na elección do papel interior optouse por offset de 90 gr  que conquistou dende o primeiro momento pola calidade de impresión, a sensación táctil e a candidez que aportaba.

Este conxunto de decisións e elementos resultaron ser os ingredientes perfectos para un libro moi especial e único, como a historia que relata nas súas páxinas.